Om skjermlesaren Lingspeak 3

Lingspeak 3 er ein ny skjermlesar som i tillegg til å lese høgt også gir god støtte for visualisering av teksten. Det er lagt stor vekt på at skjermlesaren skal vere enkel å bruke. I tillegg til vanleg tekst kan Lingspeak lese opp nesten alle element du ser på skjermen, også knappar på verktøylinjer og val i menyar.

 

Kort brukarrettleiing

Lingspeak 3 blir automatisk installert saman med Lingdys 3.5 og Lingright 2.5. For å kjøre Lingspeak dobbeltklikkar du på Lingspeak−snarvegen på skrivebordet. Du kan også starte Lingspeak frå Start−menyen til Windows.

Du kan no få lese opp eit element på skjermen ved å peike på det, og trykkje og sleppe CTRL−tasten.

Du kan få lese opp tekst ved å markere han og kopiere han til utklippstavla, til dømes ved å trykkje tastane CTRL+C.

Du opnar hovudvindauget ved å klikke på Lingspeak−ikonet i systemstatusfeltet. Her finn du innstillingar ved å velje Vis > Innstillingar...

For å avslutte Lingspeak vel du Fil > Avslutt i hovudvindauget.

Lingspeak har sin eigen brukarrettleiing, som du kan lese (eller få lese opp!) ved å velje Hjelp > Vis hjelp i hovudvindauget.